THE BONNY EARL OF MURRAY - Martin Peerson Poems

 
 

Poems » martin peerson » the bonny earl of murray

THE BONNY EARL OF MURRAY

Ye highlands, and ye lawlands,
Oh! whair hae ye been?
They hae slaine the earl of Murray,
And hae layd him on the green.

Now wae be to thee, Huntley!
And whairfore did you sae!
I bade you bring him wi' you,
But forbade you him to slay.

He was a braw gallant,
And he rid at the ring;
And the bonny earl of Murray,
Oh! he might hae been a king.

He was a braw gallant,
And he playd at the ba';
And the bonny earl of Murray
Was the flower among them a'.

He was a braw gallant,
And he playd at the gluve;
And the bonny earl of Murray,
Oh! he was the queenes luve.

Oh! lang will his lady
Luke owre the castle downe,
Ere she see the earl of Murray
Cum sounding throw the towne.